Reıske keshigip qalǵan brıtandyq Stambul áýejaıynda asylyp qaldy
ASTANA. QazAqparat - Brıtanııanyń azamatshasy Stambul áýejaıynda asylyp qaldy. Buǵan onyń reıske keshigip qalýy sebep bolǵan, dep jazady Hurriyet Daily News.
Jaklın Enn Satton (Jacqueline Anne Sutton) Túrkııa shaharyna 17 qazan kúni Londonnan kelip jetken. Ol ushaq aýystyryp, Erbılıaǵa (Irak, Kúrdistan astanasy) attanýy tıis bolǵan. Alaıda ol ushaqqa keshigip qalǵan.
Áýejaı qyzmetkerleri bul úshin eshqandaı ótemaqy tólenbeıtinin habarlaǵan. Satton bolsa onyń basqa bılet satyp alýǵa aqshasy joq ekenin aıtqan. Keıin ol dárethanaǵa baryp, aıaq kıiminiń baýyna asylyp qalǵan.
Marqumnyń denesin reseılik úsh jolaýshy taýyp alǵan. Quqyq qorǵaýshylar oqıǵa boıynsha tergeýdi bastap ketti.
