Jolaýshylardy qonaqúıge ornalastyrmaǵany úshin FlyArystan jaýapkershilikke tartyldy

ASTANA. KAZINFORM – Reıs keshiktirilgen kezde jolaýshylardy qonaqúıge ornalastyrmaǵany úshin FlyArystan jaýapkershilikke tartyldy.

Almaty – Astana baǵyty boıynsha reıs keshiktirilgen kezde qyzmetterdi usynbaýǵa baılanysty (jolaýshylar qonaqúıge ornalastyrylmaǵan, jolaýshylardy áýejaıdan qonaqúıge deıin jáne keri qaraı transfer uıymdastyrylmaǵan) FlyArystan áýekompanııasyna qatysty «Ákimshilik quqyqbuzýshylyq týraly» QR Kodeksiniń 567-babynyń 2-bóligi boıynsha ákimshilik quqyq buzýshylyq týraly hattama jasalyp, avıakompanııaǵa 1 000 AEK (3 692 000 teńge) mólsherinde aıyppul salyndy.

«QR KM Azamattyq avıatsııa komıteti reısterdiń keshigýi kezinde qyzmetterdi tıisinshe usyný bóliginde Qazaqstan Respýblıkasynyń qoldanystaǵy zańnamasynyń talaptaryn buzǵany úshin otandyq jáne sheteldik avıakompanııalardy jaýapkershilikke tartý jónindegi jumysty jalǵastyryp jatyr», - delingen komıtet habarlamasynda.

Jolaýshylardyń quqyqtaryn saqtaý bóliginde zańnama normalaryn múltiksiz saqtaý Azamattyq avıatsııa komıtetiniń jumysynda basymdyqtardyń biri bolyp tabylady jáne avıakompanııalar tarapynan buzýshylyq faktileri anyqtalǵan jaǵdaıda kózdelgen sharalar qoldanylatyn bolady.

Buǵan deıin FlyArystan egizdiń syńaryn áýejaıda qaldyryp ketkeni jaıynda jazǵan bolatynbyz.