Reıderlikpen aınalysqan birneshe adamǵa izdeý jarııalandy

ASTANA. QazAqparat - Uzaq ýaqyt boıy reıderlik tárkileýmen aınalysqan bir top adamnyń áreketi toqtatyldy. Bul týraly QazAqparat Qarjylyq monıtorıng agenttigine silteme jasap habarlaıdy.

«Sotqa deıingi tergeý aıasynda 5 qatysýshy qamaýǵa alynyp, uıymdastyrýshy Eldos Qospaev, sondaı-aq onyń senimdi adamdary Erlan Imashev pen Rýslan Shalınge izdeýge jarııalanǵan bolatyn. Olarǵa qatysty sot syrttaı bultartpaý sharasyn – qamaýǵa alýdy sanktsııalady. Sonymen qatar qylmysqa qatysy bar basqa da sybaılastar anyqtaldy- Qospaev Aıdos, Kýdrıasheva Oksana jáne Kýznetsov Alekseı. Bul adamdar da izdeýde», - delingen agenttik habarlamasynda.

Buǵan deıin Almatyda reıderlik tárkileýmen aınalysqan qylmystyq top ustalǵan bolatyn.