Reıderlikke, bótenniń menshigin tartyp alý joldaryna tosqaýyl qoıý qajet
ASTANA. Tamyzdyń 17-si. QazAqparat - Reıderlikke, bótenniń menshigin tartyp alýǵa tosqaýyl qoıý qajet. QR Prezıdenti baspasóz qyzmetiniń habarlaýynsha, bul týraly Elbasy Nursultan Nazarbaev Aqordada quqyq qorǵaý organdaryn reformalaý máselesine arnalǵan keńeste aıtty.
Elbasy bárinen buryn qylmystyq saıasatty izgilendirý máselesinde tabandy túrde alǵa jyljý qajet ekenin aıta kele, bul baǵytta zańnama daıarlanatynyn jetkizdi.
Memleket basshysy bul zań jobasynda ekonomıkalyq saladaǵy qylmystarǵa aıryqsha nazar aýdarý kerektigin aıtyp ótti.
Munymen qosa Prezıdent reıderliktiń, bótenniń menshigin tartyp alý joldaryna tosqaýyl qoıý kerektigin qadap aıtty. Sonymen qatar kásipkerlerdi tekserýge quqyly memlekettik organdardyń tizimin qysqartý qajet.
Elbasynyń paıymdaýynsha, bul sharalar bıznestiń memleketke degen senimin arttyrýǵa jáne Qazaqstannyń ınvestıtsııalyq tartymdylyǵyn kóterýge múmkindik beredi.
