Reıd: Túrkistan oblysynda 15 turǵyn toı jasaǵan
TÚRKІSTAN. QazAqparat - Túrkistan oblysynda karantındik sharalardy baqylaý jáne saqtaý, azamattar men túrli uıymdardyń, kásipkerlerdiń karantın rejımin buzýyn anyqtaý boıynsha qarqyndy jumystar júrgizilýde. Arnaıy mobıldik toptar adamdar kóp shoǵyrlanatyn oryndarda turaqty reıdtik sharalar men tekserý ótkizip jatyr, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, reıdtik sharalar barysynda karantındik talaptardy saqtamaýdyń 472 oqıǵa tirkelgen.
Atap aıtqanda, 15 turǵyn úılený toıy men otbasylyq jıyndardy uıymdastyrǵany úshin ákimshilik jaýapkershilikke tartylǵan. Máselen, Arys aýdanynda polıtseıler bir kún ishinde jergilikti turǵyndardyń otbasylyq jáne úılený toılaryn uıymdastyrýynyń 3 faktisin anyqtady. «Montaıtas kentiniń turǵyny óz úıinde «qyz uzatý» is-sharasyn ótkizse, taǵy eki turǵyn «betashar» uıymdastyrǵan. Barlyq anyqtalǵan jaıttar boıynsha materıaldar QR Densaýlyq saqtaý mınıstrliginiń Arys qalasy taýarlar men qyzmetterdiń sapasy men qaýipsizdigin baqylaý komıtetine jiberilgen» delingen habarlamada.
