Reıd: Shymkentte jumys istegen oıynhana men meıramhanalar anyqtaldy

ShYMKENT. QazAqparat – Shymkentte bir qatar kásipkerlik nysannyń karantın erejelerin elemeı jumys istegeni belgili boldy. Bul týraly QazAqparat Polıtsııa departamentine silteme jasap habarlaıdy.

24 shilde kúni saǵat 22:35 shamasynda Shymkent qalasy Polıtsııa departamenti Ál-Farabı aýdany Polıtsııa basqarmasy Shymkent qalasy Dýlatı kóshesi №122 úıde ornalasqan «Yqylas» kafesiniń jumys jasap jatqanyn anyqtaǵan.

Sondaı-aq, Eńbekshi aýdany Polıtsııa basqarmasy jergilikti polıtsııa qyzmeti №38 ÝPP qyzmetkerlerimen reıdttik shara júrgizý barysynda 24 shilde saǵat 22:00-de Shymkent qalasynyń Bas memlekettik sanıtarlyq dárigeriniń №25 Qaýlysynda kórsetilgen talaptardy óreskel buzǵan Saıram kóshesiniń boıynda ornalasqan «KING HAÝS» ǵımaratyndaǵy kompıýterlik oıynhana jumys jasap turǵany anyqtaldy.

Reıdtik shara barysynda dál osy Saıram kóshesi boıynda ornalasqan «Sultan» kafesiniń ishinde bir top azamattardyń tamaqtanyp otyrǵany anyqtaldy. Osyǵan baılanysty atalǵan zań buzýshylyqtar boıynsha jınaqtalǵan is-qujat Ál-Farabı jáne Eńbekshi aýdany Taýarlar men kórsetiletin qyzmetterdiń sapasy men qaýipsizdigin baqylaý basqarmalaryna joldandy.