Reıd: Semeı turǵyndary maskalyq rejımdi saqtamaýda

SEMEI. QazAqparat – Semeı qalasynda maskalyq rejımniń saqtalýyn baqylaý maqsatynda kún saıyn reıdter júrgizilýde, dep habarlaıdy QazAqparat tilshisi.

Polıtsııa jáne jergilikti atqarýshy organdardyń qyzmetkerlerinen quralǵan monıtorıngtik toptar kún saıyn sanıtarlyq normalardyń buzylmaýyn qadaǵalaýda. Reıdter qoǵamdyq kólikterde, saýda ortalyqtarynda, jekemenshik kásiporyndar men memlekettik mekemelerde ótkizilýde.

Monıtorıngtik top músheleriniń aıtýynsha, qala turǵyndary men qonaqtarynyń kópshiligi sanıtarlyq normalardy saqtamaıdy. Barlyq ereje buzýshylyqtar boıynsha QR ÁQBtK-niń 425-babyna sáıkes ákimshilik hattamalar toltyrylýda.

«Keshe ǵana monıtorıngtik toptar sanıtarlyq normalardyń saqtalýyn memlekettik kirister basqarmasynda tekserdi. Reıd barysynda maskalyq rejımdi elemeıtin basqarmanyń eki qyzmetkeri anyqtaldy. «Teplokommýnenergo« MKK jumysshylarynyń da sanıtarlyq erejege beı-jaı qaraıtyndyǵy baıqaldy. Munda monıtorıngtik toptaǵylar úsh tártip buzý faktisin tirkedi. Endi olar aıyppul tóleýge mindetteledi», - delingen qalalyq Aqparat ortalyǵynyń málimetinde.