Reıd: Óskemendegi saýda oryndarynda sanıtarlyq normalar qalaı saqtalýda
ÓSKEMEN. QazAqparat - Óskemende karantın shekteýleriniń saqtalýyn tekserý maqsatynda saýda oryndaryna reıd júrgizildi, dep habarlaıdy QazAqparat tilshisi.
Óskemen qalalyq taýarlar men qyzmetterdiń sapasy men qaýipsizdigin baqylaý basqarmasynyń mamandary saýda nysandarynda belgilengen sanıtarlyq normalardyń saqtalýyn tekserip, túsindirý jumystaryn júrgizdi.
Reıd nátıjesinde satýshylar men satyp alýshylardyń maska rejımin saqtamaýy, al kásipkerlik nysandarynyń ıeleri sanıtarlyq talaptardyń buzý faktileri anyqtalmady.
«Búgingi monıtorıngtiń negizgi maqsaty - koronavırýstyń taralýynyń aldyn alý, sondaı-aq saýda obektileriniń ıeleri arasynda túsindirý jumystaryn júrgizý. Sanıtarlyq-epıdemıologııalyq normalardy saqtaý koronavırýs ınfektsııasynyń taralýyn tejeıdi. Biz mundaı reıdterdi únemi ótkizip otyramyz», - dep atap ótti ShQO taýarlar men qyzmetterdiń sapasy men qaýipsizdigin baqylaý departamentiniń baspasóz hatshysy Baǵlan Taýanova.
