Almatyda turatyn jeri joq adamdarǵa reıd júrgizildi
ALMATY. KAZINFORM – Almatyda ýchaskelik polıtsııa ınspektorlary belgili bir turǵylyqty jeri joq adamdardy anyqtaý boıynsha profılaktıkalyq reıdter ótkizip jatyr.
Almaty polıtsııasynyń málimetinshe, reıd barysynda azamattardyń jeke basyn anyqtap, aqparattyq esepter boıynsha tekseredi jáne qajet bolǵan jaǵdaıda tıisti kómekke baǵyttaıdy.
Jyl basynan beri «Pana» áleýmettik beıimdeý ortalyǵyna 388 adam jetkizildi. Onyń 54-i odan ári kómek alý úshin ortalyqta qaldy. Qalǵandary tekserý men alǵashqy medıtsınalyq qarap-tekserýden keıin usynylǵan kómekten bas tartqan.
– Ýchaskelik ınspektordyń mindeti – kóshede júrgen adamdy anyqtaýmen ǵana shektelmeıdi. Onyń jeke basyn anyqtap, qandaı kómekke muqtaj ekenin túsiný jáne negiz bolǵan jaǵdaıda tıisti qyzmetterge baǵyttaý mańyzdy, – dedi Almaty polıtsııa departamenti Qoǵamdyq qaýipsizdik basqarmasynyń bastyǵy Tımýr Noǵaıbaev.
Osylaısha, qoǵamdyq qaýipsizdikke tónetin yqtımal qaterlerdiń aldyn alyp, quqyq buzýshylyqtarǵa der kezinde tosqaýyl qoımaq.
Eske sala ketsek, Abaı oblysynda túngi reıd kezinde 409 jasóspirim polıtsııaǵa jetkizildi.
