Revaktsınatsııada ekpeniń qandaı túri salynýy kerek
NUR-SULTAN. QazAqparat – Revaktsınatsııa ekpesi retinde vaktsınalaýdyń alǵashqy kezeńinde qoldanylǵan preparatty da qoldanýǵa bolady. Bul týraly QR Bas sanıtar dárigeriniń jańa qaýlysynda aıtylǵan, dep habarlaıdy QazAqparat tilshisi.
Qaýly mátininde revaktsınatsııa KVI-ge qarsy vaktsınalaýdyń alǵashqy kýrsynda qoldanylmaǵan vaktsına tıpterimen júrgiziletini aıtylǵan.
Revaktsınatsııa júrgizýdiń merzimderi mynadaı:
1) Eger alǵashqy kýrs kezinde vektorlyq vaktsına salǵyzsańyz, revaktsınatsııa 9 aıdan keıin jasalýy kerek;
2) ınaktıvti jáne m-RNQ-vaktsınalardan keıingi revaktsınatsııa 6 aıdan keıin júrgiziledi.
«KVI-ge qarsy revaktsınatsııany alǵashqy vaktsınatsııa kýrsyna paıdalanylǵan vaktsınamen júrgizýge jol beriledi», - dep jazylǵan qaýlyda.
Atalmysh qaýlyda revaktsınatsııaǵa birishi kezekte jatatyn 7 sanattyń tizim de berilgen.
