Revaktsınatsııa naýqany nashar júrgizilip jatqan 4 óńir ataldy

NUR-SULTAN. QazAqparat – Elimizdiń 4 óńirinde revaktsınatsııamen qamtý kórsetkishi 55 paıyzdan tómen. Bul týraly Úkimet otyrysynda Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Aýyrǵan adamdardyń 80 paıyzy ekpe almaǵan nemese 6 aı buryn egilgen adamdar ekenin eskersek, koronavırýsqa qarsy ýaqytyly revaktsınatsııamen qamtý qajet ekenin kórsetip otyr. Qazirgi kezde revaktsınatsııany 5 mln-nan astam adam aldy. Osy turǵyda revaktsınatsııamen 7 mln 430 myń adam qamtylýy tıis», - dedi A. Ǵınııat.

Onyń aıtýynsha, bul jumys keıbir óńirde tıisti deńeıde oryndalyp jatqan joq.

«Elimizdiń 4 óńirinde revaktsınatsııamen qamtý kórsetkishi 55 paıyzdan tómen. Bul rette Nur-Sultan qalasyn, Atyraý, Qaraǵandy, Batys Qazaqstan oblystaryn atap ótý kerek», - dedi mınıstr.

Budan buryn habarlanǵandaı, Úkimet basshysy Álıhan Smaılov ákimdikterge halyqty vaktsınatsııalaý jáne revaktsınatsııalaý jumystaryn jandandyrýdy tapsyrdy.