Revaktsınatsııa: Almaty ákimi Baqytjan Saǵyntaev qaı ekpeni saldyrdy

ALMATY. QazAqparat - Baqytjan Saǵyntaev «Almaty» telearnasyndaǵy tikeleı efır kezinde koronavırýsqa qarsy qandaı vaktsınany qaıta ektirgenin jáne ózin qalaı sezinetinin aıtty, dep habarlaıdy QazAqparat tilshisi.

Tikeleı efır barysynda qala turǵyny ákimnen revaktsınatsııada qandaı ekpeni saldyrǵan durys dep surady.

«Sizge dárigerlermen keńesý kerek dep oılaımyn. Men «Spýtnık V» vaktsınasyn qaıta saldyrdym. Men vaktsınanyń osy túrin tańdadym. Jáne sondaı sheshim qabyldadym. Sebebi, «Spýtnık V» vaktsınasynyń birinshi komponenti men ekinshi komponentin alǵanmyn. Meniń aǵzam osy vaktsınany jaqsy qabyldady. Úshinshi dozadan keıin de ózimdi jaqsy sezindim. Sondyqtan bul - sizdiń sheshimińiz. Birinshi vaktsınadan keıin basqasyn salýǵa bolady degendi jıi estımiz. Mamandar buǵan ruqsat deıdi, biraq kez kelgen jaǵdaıda dárigerińizben keńesińiz», - dep jaýap berdi ákim.

Buǵan deıin Úkimet otyrysynda QR Densaýlyq saqtaý mınıstri Alekseı Tsoı Qazaqstanda revaktsınatsııa 22 qarashada bastalatynyn aıtqan bolatyn.