Reuters Ýsama ben Laden óltirilgen jerde túsirilgen fotosýretterdi satyp aldy

Fotosýretter Amerıka arnaıy qyzmetiniń operatsııasy aıaqtalǵannan keıin eki saǵattan soń túsirilgen, dep habarlaıdy RSN.

Sýretterde úsh er adamnyń máıiti beınelengen. Ekeýi dástúrli Pákistan kıimin, bireýi fýtbolka kıgen. Ben Laden olardyń arasynda joq. Kadrda sondaı-aq arnaıy operatsııa kezinde qulaǵan amerıkalyq tikushaqtyń synyqtary túsip qalǵan. Agenttik fotosýretterge taldaý jasap, olardyń túpnusqa ekenin rastap otyr.

Budan buryn, AQSh prezıdenti Barak Obama qoǵamda dúrbeleń týǵyzbaý úshin mert bolǵan «Ál-Kaıeda» basshysynyń sýretin jarııa qylmaýǵa sheshim qabyldaǵanyn eske salyp ótemiz.