Reuters: Úndistandaǵy áýe apatynda qaza bolǵandardyń sany 290-ǵa jetti

NЬıÝ-DELI. KAZINFORM — Úndistannyń batysyndaǵy Air India áýe kompanııasynyń Boeing 787 Dreamliner ushaǵy apatynan 290-nan astam adam qaza tapty, dep jazdy TASS.

Áýe apatynda ushaqtaǵy jolaýshylar men oqıǵa ornynda bolǵan jerdegi adamdar kóz jumǵan.

Bul týraly Reuters agenttigi polıtsııaǵa silteme jasap habarlady.

Qaza tapqandardyń arasynda ushaq bortynda bolǵan jolaýshylar men ekıpaj músheleri ǵana emes, ushaq qulaǵan aýmaqtaǵy adamdar da bar.

Eske sala keteıik, buǵan deıin Air India apatynan qaza tapqan 204 adamnyń máıiti tabylǵanyn jazǵan edik. 

Úndistannyń Ahmedabad qalasyndaǵy ushaq apatynda 11A ornynda otyrǵan bir adam tiri qalǵanyn bas polıtseı habarlaǵan bolatyn.