Retro stıldegi daýys: cemeılik qyzdar saılaýǵa erekshe obrazben keldi
SEMEI. KAZINFORM — Semeı qalasynyń turǵyndary Erkejan Saǵımollaeva men Erkejan Turlybek saılaý ýchaskesine retro stıldegi kıim úlgisimen kelip, óz tańdaýlaryn jasady.
Olardyń aıtýynsha, Semeı — tarıhy tereń, mádenı murasy baı qala. Sondyqtan olar daýys berý kúnine erekshe mán berip, qalanyń tarıhı kelbetin retro obraz arqyly kórsetýdi jón sanaǵan.
— Semeı — tarıhy baı qala. Qalamyzdyń ótkenin, erekshe atmosferasyn jaqsy kóremiz. Sondyqtan búgingi daýys berý kúnine retro stılde kelýdi jón kórdik. Bul biz úshin jaı ǵana obraz emes, týǵan qalamyzdyń tarıhyna degen qurmet. Ár azamat saılaýǵa qatysyp, óz tańdaýyn jasaýy kerek dep oılaımyz, — dedi Erkejan Saǵımollaeva.
Aıta keteıik, Erkejan Turlybek búgin alǵash ret daýys berdi.
Saılaý kúni semeılikter azamattyq belsendilik tanytyp qana qoımaı, shyǵarmashylyq kózqarastarymen de erekshelenýde.
