Resýrstardy tutynýdyń áleýmettik normalary engiziledi – Úkimettiń keńeıtilgen otyrysy

ASTANA. KAZINFORM – Memleket basshysy Qasym-Jomart Toqaev Úkimettiń keńeıtilgen otyrysynda Ortalyq Azııada sý tapshylyǵy kúsheıip turǵanyn eske saldy.

- Biz qoǵamda resýrstardy únemdep paıdalaný mádenıetin qalyptastyrý mańyzdy ekenin talaı jyldan beri aıtyp kelemiz. Biraq azamattarǵa úndeý tastaý jetkiliksiz. Budan bólek, resýrstardy tutynýdyń áleýmettik normalaryn engizý qajet.

Úlgi etýge bolatyn jaqsy mysaldar bar. Mysaly, dál osyndaı ustanym aı saıyn sýdy segiz paıyzǵa jýyq únemdeýge múmkindik berdi. Bul – asa mańyzdy. Sebebi Qazaqstanda ǵana emes, búkil Ortalyq Azııada sý tapshylyǵy kúsheıip tur. Sondyqtan sýdy únemdeıtin tehnologııalardy paıdalaný máselesi óte ózekti, - dedi Memleket basshysy.

Qasym-Jomart Toqaev irgedegi Qytaıdyń álemdik ozyq tehnologııalaryn mysalǵa keltirdi.

- Olar tájirıbesin bólisýge daıyn. Biraq bizdiń jaq – qulyqsyz, onyń ústine batyl sheshimder joq. Úkimetke osy sharýamen belsendi aınalysyp, 1 maýsymǵa qaraı jumys barysy týraly esep berýdi tapsyramyn», - dedi Prezıdent.

Aıta keteıik elordada Prezıdent Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótip jatyr.

Іs-sharany ashqan Prezıdent Úkimet pen ákimder jumysynyń tıimdiligi azamattardyń turmys sapasyna qaraı baǵalanatynyn aıtty.