Restorandardy jalǵa alý qymbattady – ulttyq statıstıka
ASTANA. QazAqparat – Qazaqstanda meıramhanalar men qoǵamdyq tamaqtaný oryndarynyń arendasy bir jylda eń kóp qymbattaǵan. Bul týraly Ulttyq statıstıka bıýrosynan málim etti, dep habarlaıdy QazAqparat.
2022 jyldyń tórtinshi toqsanynda kommertsııalyq jyljymaıtyn múlikti jalǵa alý 2021 jyldyń sáıkes kezeńimen salystyrǵanda 1,8% qymbattaǵan. Arenda baǵasy eń kóp meıramhanalar men tamaqtaný oryndaryna kóterilgen.
«Osylaısha, qoıma, meıramhanalar men qoǵamdyq tamaqtaný pýnkterin jalǵa alý baǵasy 4,1% ósti.
Kólik jýý pýnkterin jalǵa alý 4,3% qymbattady, odan keıin turmystyq qyzmet kórsetý, servıs pýnkteri – 3,8%, valıýta aıyrbastaý oryndary – 3,4%, saýda úılerindegi oryndar – 1,9%, parkıngter – 1,5%, ákimshilik keńse oryndary 1,4% qymbattady», - delingen statıstıka málimetinde.
