Respýblıkanyń jol polıtseıleri jol-kólik oqıǵalarynyń qurbandaryn Dúnıejúzilik eske alý kúnin atap ótedi
ASTANA. 19 qarasha. QazAqparat - 21 qarashada Qazaqstanda jol polıtsııasy qyzmetkerleri JKO qurbandaryn Dúnıejúzilik eske alý kúnine arnalǵan birqatar profılaktıkalyq aktsııalar men is-sharalar ótkizedi, dep habarlaıdy QR ІІM Jol polıtsııasy komıtetiniń baspasóz qyzmeti.
Baspasóz qyzmetiniń habarlaýynsha, aktsııanyń maqsattaryjoldardaǵy ólimniń jan túrshigerlik keń aýqymyna jáne jol qozǵalysynyń barlyq qatysýshylary yqtımaldyq qaýip-qaterine nazar aýdarý; ózara qurmet kórsetý, jolda qaýipsizdik erejelerin saqtaý, júrgizýshi mádenıetin joǵarylatý turǵysynda jol qozǵalysy qatysýshylarynyń sana-sezimin ózgertý ıdeıalaryna qýatty qoǵamdyq qoldaý jasaý; JKO-da qaza tapqandardy eske alyp, aýyr qazany tartqan otbasylardyń qaıǵylaryna ortaqtasý; jol apattarynyń otbasyǵa jáne qoǵamǵa áser etý sıpatyna nazar aýdarý jáne apattan keıingi jaqsartylǵan qamqorlyq pen qaza tapqandardyń otbasylary men jaraqat alǵandardy qoldaýdy qajet etý; jol apattarynda ata-analaryn joǵaltqan balalar úshin olardyń zardaptaryna jurtshylyqtyń nazaryn aýdarý jáne jol apattaryn boldyrmaýǵa qoldan keletin úlesti qosýǵa barlyǵyna múmkindik berý - JKO qurbandaryna kómek kórsetý qajettiligi boıynsha jurtshylyqtyń pikirin qalyptastyrý (quqyqtyq, materıaldyq, rýhanı).
Anyqtama úshin: BUU Bas Assambleıasynyń Qararyna sáıkes qarashanyń úshinshi jeksenbisinde JKO qurbandaryn Búkildúnıejúzilik eske alý kúni atap ótiledi. Ideıa, osy kúndi 1993 jyldan bastap atap júrgen JKO qurbandaryna kómek kórsetetin brıtandyq qaıyrymdylyq qory RoadPeace-den keldi. Kóp jyldar boıy JKO qurbandarynyń Eýropalyq federatsııasyna qosylǵan uıymdar osy kúndi JKO qurbandaryn eske alýdyń Eýropalyq kúni retinde atap júrdi. 1998 jyly eske alý kúni Eýropa shekarasynan shyǵyp, basqa qurylyqtarda da paıda boldy, al 2005 jyly BUU Bas Assambleıasy óz Qararynda búkil álem boıynsha barlyq múshe-elderdi JKO qurbandaryn Búkildúnıejúzilik eske alý kúnin tanýǵa shaqyrdy.
