Respýblıkanyń jeti aımaǵynda avtojoldar ýchaskeleri jabyldy

(Astana qalasy)

12 qańtarda saǵat 20:40-tan bastap aýa raıynyń nasharlaýyna baılanysty (burqasyn kórinimniń shektelýi) «Astana-Qaraǵandy» avtojolynda avtokóliktiń barlyq túrleri úshin qozǵalys jabyldy.

(Aqmola oblysy)

12 qańtarda saǵat 20:40-tan bastap aýa raıynyń nasharlaýyna baılanysty (kórinimniń shektelýi, burqasyn) «Ekaterınbýrg-Almaty» avtojolynyń ýchaskesinde (1275-1353-shi shaqyrymdar, Astana qalasy-Qaraǵandy oblysynyń shekarasy) avtokóliktiń barlyq túri úshin qozǵalys jabyldy.

(Aqtóbe oblysy)

12 qańtarda saǵat 19:35-ten bastap aýa raıynyń nasharlaýyna baılanysty (qar, burqasyn) jergilikti mańyzdaǵy «Hromtaý-Badamsha» avtojolynda (0-45-shi shaqyrymdar, Hromtaý qalasy-Badamsha kenti) avtokóliktiń barlyq túri úshin qozǵalys jabyldy.

(Shyǵys Qazaqstan oblysy)

12 qańtarda aýa raıynyń nasharlaýyna baılanysty (burqasyn, kórinimniń shektelýi) oblystyq mańyzdaǵy avtojoldarda avtokóliktiń barlyq túri úshin qozǵalys jabyldy:

- saǵat 15.30-dan bastap «Aıagóz-Qaraýyl» (0-100-shi shaqyrymdar);

- saǵat 17.00-den bastap «Kúrshim-Qaljyr» (0-131-shi shaqyrymdar).

(Qaraǵandy oblysy)

12 qańtarda saǵat 20:00-den bastap aýa raıynyń nasharlaýyna baılanysty (burqasyn) barlyq baǵyttar boıynsha avtokóliktiń barlyq túri úshin qozǵalys jabyldy.

(Qyzylorda oblysy)

11 qańtarda saǵat 19:45-ten bastap aýa raıynyń nasharlaýyna baılanysty (jańbyr) «Qyzylorda-Pavlodar-Ýspenka-RF shekarasy) avtojolynyń ýchaskesinde (12-216-shy shaqyrymdar, Qyzylorda qalasy-Qaraǵandy oblysynyń shekarasy) avtokóliktiń barlyq túri úshin qozǵalys jabyldy.

(Pavlodar oblysy)

12 qańtarda saǵat 20:30-dan bastap aýa raıynyń nasharlaýyna baılanysty (burqasyn, kórinimniń nasharlaýy) avtojoldar ýchaskelerinde avtokóliktiń barlyq túri úshin qozǵalys jabyldy:

- «Qyzylorda-Pavlodar» (1135-1206-shy shaqyrymdar, Shiderti kenti- Qaraǵandy oblysynyń shekarasy)

- «Qalqaman-Maıqaıyń-Baıanaýyl-Úmitker- Ýlıanov» (138-231-shi shaqyrymdar, Baıanaýyl kenti-Qaraǵandy oblysynyń shekarasy).