Respýblıkanyń jekelegen aýmaqtarynda naızaǵaı aralas jańbyr men ekpindi jel saqtalady - 10 shildege arnalǵan aýa raıy boljamy
ASTANA. 9 shilde. QazAqparat - Respýblıkanyń basym aýmaǵy atmosferalyq aǵymdardyń yqpalynda qalady, soǵan baılanysty jekelegen jerlerde naızaǵaı aralas jańbyr men ekpindi jel saqtalady.
Bul týraly Qazgıdrometke silteme jasaı otyryp, QR TJM-niń baspasóz qyzmeti habarlady.
Ońtústik Qazaqstan, Qyzylorda, Mańǵystaý, Atyraý, Batys Qazaqstan, Aqtóbe, Aqmola, Pavlodar, Qaraǵandy, kúndiz Jambyl oblystarynda, Qostanaı, Shyǵys Qazaqstan oblystarynyń jekelegen jerlerinde 15-20 m/s-qa deıin jel kúsheıedi, Ońtústik Qazaqstan jáne Qyzylorda oblystarynda qumdy daýyl bolady.
Soltústik Qazaqstan jáne Qostanaı oblystarynda túnde jáne kúndiz keı jerlerde tuman bolady.
Qyzylorda oblysynyń keı jerlerinde, Ońtústik Qazaqstan, Jambyl, Almaty, Qaraǵandy oblystarynda tótenshe joǵary órt qaýpi saqtalady.
Mańǵystaý, Atyraý, Aqtóbe oblystarynda jáne Almaty oblysynyń keı jerlerinde kún qatty ysıdy dep kútilýde.
Aldaǵy táýlikterde respýblıkanyń ońtústik, ońtústik-shyǵys jáne batys taýly ózenderinde sý deńgeıiniń aýytqýshylyǵy saqtalady.
