Respýblıkanyń úzdik sportshy balalary anyqtaldy

Іrikteý kezeńderiniń jeńimpazdary 31 mamyr men 4 maýsym aralyǵynda Býrabaıda ótken fınaldyq oıyndarda baq synasqan bolatyn. Búgin «Baldáýren» respýblıkalyq oqý-saýyqtyrý ortalyǵynda aýqymdy respýblıkalyq jobanyń qorytyndysy jarııalandy.

Fınaldyq kezdesýler oqýshylar úshin tartysty oıyndardan bólek, erekshe esteliktermen de este qalatyny sózsiz. Sebebi, olar úshin arnaıy konkýrstar, oıyndar, tabıǵat aıasyna arnaıy ekskýrsııalar uıymdastyryldy.

Odan bólek, ár bala janyna jaqyn ispen aınalysýǵa múmkindik aldy. Máselen, oqýshylardyń bos ýaqyttaryn tıimdi ótkizý úshin toqyma, sýret salý, músin jasaý úıirmeleri men basseın, sportzal, shaǵyn fýtbol alańdary men kınozaldarda túrli sharalar ótkizildi. Atalǵan sharalardyń barlyǵy ortalyq qyzmetkerleriniń kómegimen júzege asyryldy. Joba týraly óz oıyn áleýmettik jeli arqyly jetkizgenderdiń de sany az emes. Úzdik posttardyń avtorlary anyqtalyp, olarǵa arnaıy syılyqtar tabystaldy.

«Biz basketbol komandasymen Mańǵystaý oblysynyń Munaıly aýdanynyń namysyn qorǵaýǵa keldik. Joba óte unady, ásirese, Baldáýrenge kelgenimizge óte qýanyshtymyz. Bul jerdiń tabıǵaty keremet eken, keshe Býrabaıǵa ekskýrsııaǵa baryp qaıttyq. Qazaqstannyń ár jerinen kelgen balalarmen dostastyq. Bul spartakıada jazǵy demalysymyzdyń qyzyqty bastaýy desek te bolady. Kúnde jańa nárse úırenemiz, oınap, án shyrqap, bıleımiz. Tipti, óz qolymyzben ártúrli kádesyılar da jasadyq» - deıdi jas sportshy Maýsym Embıeva.

Jarys nátıjeleri:

Áskerı-qoldanbaly sport túrleri.

1 oryn - Almaty qalasy,

2 oryn - Shyǵys Qazaqstan oblysy,

3 oryn - Aqtóbe oblysy.

Shahmat.

Qyzdar arasynda:

1 oryn - Lesbekova Ásel (Almaty qalasy),

2 oryn - Abdýálı Samal (Qyzylorda oblysy),

3 oryn - Saǵyntaeva Araı (Qaraǵandy oblysy).

Uldar arasynda:

1 oryn - Jalmahanov Ramazan (Almaty qalasy),

2 oryn - Besultanov Dıaz (Pavlodar oblysy),

3 oryn - Shapıev Álimhan (Aqtóbe oblysy).

Toǵyzqumalaq.

Uldar arasynda:

1 oryn - Áýelbaı Ersultan (Astana qalasy),

2 oryn - Turaqbaı Jumageldi (Mańǵystaý oblysy),

3 oryn - Berkinbaev Jarylqasyn (Ońtústik Qazaqstan oblysy).

Qyzdar arasynda:

1 oryn - Baıbolat Gúlnáz (Ońtústik Qazaqstan oblysy),

2 oryn - Smaılova Jansaıa (Qostanaı oblysy),

3 oryn - Nurmedın Áıgerim (Aqtóbe oblysy).

Ústel tennısi.

Qyzdar arasynda:

1 oryn - Baqanova Aımıra (Pavlodar oblysy),

2 oryn - Nurmuhambetova Ásem (Batys Qazaqstan oblysy),

3 oryn - Dárýbaeva Aıdana (Almaty oblysy).

Uldar arasynda:

1 oryn - Andosov Sabyrjan (Pavlodar oblysy),

2 oryn - Ósipbaev Janbolat (Ońtústik Qazaqstan oblysy),

3 oryn - Jamashev Islam (Aqtóbe oblysy).

Basketbol.

1 oryn - Aqmola oblysy,

2 oryn - Aqtóbe oblysy,

3 oryn - Qostanaı oblysy

Fýtzal.

1 oryn - Atyraý oblysy,

2 oryn - Qyzylorda oblysy,

3 oryn - Almaty qalasy.

Jeńimpazdar arnaıy dıplomdarmen marapattalyp, birinshi oryn ıegerleri - velosıped, ekinshi oryn ıegerleri - gıroskýter, úshinshi oryn ıegerleri - elektrosamokattarǵa ıe boldy.

Aıta keteıik, «SportFEST Kazakhstan» - «Kommýnıkatıvtik bastamalar men strategııalar» Jeke qory men «Samruk-Kazyna Trust» áleýmettik jobalardy damytý qorynyń alǵashqy sporttyq jobasy. Jobaǵa respýblıka boıynsha barlyǵy 6 myńǵa jýyq oqýshy qatysyp, onyń ishinde 528 oqýshy fınaldyq oıyndarǵa joldama aldy.