Respýblıkanyń úsh óńirinde boran saldarynan jol jabyldy
ASTANA. QazAqparat - Qazaqstannyń úsh oblysynda aýa raıynyń nasharlaýyna baılanysty avtojoldardyń jekelegen ýchaskelerinde jol qozǵalysy shekteldi, dep habarlady QR ІІM Tóten jaǵdaılar komıtetinen.
Sonymen, Soltústik Qazaqstan oblysynda qalyń qar jaýyp, arty boranǵa ulasyp, jol kórinbeı qalýyna baılanysty «Mamlıýtka-Qostanaı» (0-180 shaqyrym); «Chelábi-Novosibir» (465-655 shaqyrym); «Petropavl-Sokolovka-Esil» (11-73 shaqyrym); «Jezqazǵan-Petropavl» (719-954 shaqyrym); «Astana-Petropavl» (341-473 shaqyrym) avtojolynyń ýchaskelerinde kóliktiń barlyq túrine jol qozǵalysy toqtatyldy.
Qostanaı oblysynda boran saldarynan «Qarabutaq-Qostanaı» (231-563 shaqyrym); «Denısovka-RF shekarasy» (0-174 shaqyrym) avtojoldary ýchaskelerinde kóliktiń barlyq túrine jol qozǵalysy shekteldi.
Aqtóbe oblysynda tolassyz qar jaýyp, burqasyndatýyna baılanysty «Qarabutaq-Komsomol» (89-231 shaqyrym) a/j ýchaskesinde avtokólikterdiń barlyq túrlerine jol qozǵalysy jabyldy.
