Respýblıkanyń túzetý mekemelerinde qardan jasalǵan músinder konkýrsy ótkizilýde
ASTANA. Jeltoqsannyń 25-i. QazAqparat /Ǵalymjan Hasenov/ - Respýblıkanyń penıtentsııarlyq júıe mekemelerinde qardan jasalǵan músinder konkýrsy ótýde,
dep habarlady Ádilet mınıstrliginiń Qylmystyq-atqarý júıesi komıtetiniń baspasóz qyzmetinen.
Sottalýshylardyń arasyndaǵy tárbıe jumystarynyń aıasynda ótkizilip jatqan konkýrs jyl saıyn ótkiziletin erikti shara. Oǵan kez-kelgen sottalýshy qatysyp, óziniń shyǵarmashylyq qııalyn qarmen músindeı alady.
Komıtettiń Shyǵys Qazaqstan oblysy boıynsha basqarmasynyń aqparaty boıynsha, Jańa jyl qarsańynda osynaý shyǵarmashylyq jarysqa aımaqtyń barlyq túzetý mekemeleri kirisip ketken. Óskemende ornalasqan OV-156/13 qonys-kolonııasynda 5 qar músini boı kóterip otyr.
Al Soltústik Qazaqstan oblysynyń mekemelerinde jasalǵan qar músinderiniń jalpy sany 80-ge jýyqtaıdy. Qar músinder negizinen ertegi keıipkerlerin, Aıaz Ata men Qarsha Qyzdy beıneleıdi.
Jeltoqsannyń 30-31-inde barlyq oblysta quramyna Qoǵamdyq baqylaý komıssııasy men úkimettik emes uıymdardyń ókilderi kirgen qazylar alqasy konkýrstyń qorytyndysyn shyǵarady. Jeńimpazdar men júldegerlerdi syılyqtar kútip tur.
