Respýblıkanyń tórt óńirinde boran saldarynan jol jabyldy
ASTANA. QazAqparat - «Qazavtojol» RMK Aqmola, Aqtóbe, Shyǵys Qazaqstan jáne Qostanaı oblystarynda respýblıkalyq mańyzy bar joldar jabylǵanyn habarlady.
Búgin Aqmola oblysynda aýa raıynyń nasharlaýyna baılanysty (qar, boran, joldyń kórinbeýi), Şýchınsk-Makınsk baǵytynda («Astana-Petropavl» 231-197 shaqyrymy) kóliktiń barlyq túrine jol qozǵalysy shekteldi.
Aqtóbe oblysynda aýa raıynyń nasharlaýyna baılanysty (boran, joldyń kórinbeýi), Komsomolskoe kentinen Qostanaı oblysynyń shekarasyna deıingi ýchaskede (Qarabutaq-Komsomolskoe-Denısovka-Rýdnyı-Qostanaı» 83-234 shaqyrymy) kóliktiń barlyq túrine jol jabyldy.
ShQO-da aýa raıynyń nasharlaýyna baılanysty (qar, boran, joldyń kórinbeýi) Glýbokoe selosynan Shemonaıha qalasyna deıin burylystan 15-102 ýchaskede qoǵamdyq kólikter úshin jol qozǵalysy shekteldi.
Qostanaı oblysynda aýa raıynyń nasharlaýyna baılanysty (qar, boran, joldyń kórinbeýi) myna joldarda kóliktiń barlyq túrleri úshin jol jabyldy:
1.«Qarabutaq-Komsomolskoe-Denısovka-Rýdnyı-Qostanaı» 231-389 shaqyrym, Aqtóbe oblysynyń shekarasynan Denısovka aýylyna deıingi ýchaske;
2.«Qostanaı-Áýlıekól-Surǵan» 108-232 shaqyrym, Áýlıekól kentinen Aqmola oblysynyń shekarasyna deıin;
3.«Ekaterınbýrg-Almaty» 686-729 shaqyrym, Sarykól kenti shekarasynan SQO shekarasyna deıingi ýchaske.
