Respýblıkanyń tórt oblysynda jol jabyq
ASTANA. QazAqparat - Aýa raıynyń qolaısyzdyǵyna baılanysty respýblıkanyń tórt aımaǵynda kólik qozǵalysyna shekteý qoıyldy. Bul týraly QR ІІM TJ Komıtetinen habarlady.
Aqmola oblysynda aýa raıynyń nasharlaýyna baılanysty (kóktaıǵaq) a/j «Qostanaı - Áýlıekól - Surǵan» (232-260 km); «Jezqazǵan-Petropavl» (377-595 km, Derjavınsk q.- Esil q.); «Jaqsy - Esil - Buzylyq» (0-82 km "Ekaterınbýrg - Almaty" 856-1003 km, Soltústik Qazaqstan oblysynyń sh.- Atbasar q.), júk jáne qoǵamdyq avtokólikteri qozǵalys toqtatyldy.
Aqtóbe oblysynda aýa raıynyń nasharlaýyna baılanysty (qar, burqasyn, joldyń kórinbeýi) oblystyq deńgeıdegi «Aqtóbe-Rodnıkovka-Mártók» (43-74 sh, Rodnıkovka-Mártók») t/j barlyq avtokólikterge qozǵalys toqtatyldy.
Sondaı-aq aýa raıynyń nasharlaýyna baılanysty (jyńbyr, kóktaıǵaq) respýblıkalyq mańyzy bar «Qarabutaq-Qostanaı» tas jolynyń (89-231 km, Komsomol a.- Qostanaı oblysynyń shekarasyna deıin) barlyq avtokólik túrleriniń qozǵalysy toqtatyldy.
Qostanaı oblysynda aýa raıynyń nasharlaýyna baılanysty (jańbyr j/e kók taıǵaq) barlyq baǵyttarǵa jol jabyq.
«Ekaterınbýrg - Almaty» (686-729 km, Sarykól a.- Soltústik Qazaqstan oblysynyń shekarasina deıin); «Mamlıýtka - Qostanaı» (180-249 km, Uzynkól. a - Soltústik Qazaqstan oblysynyń shekarasina deıin);
«Qarabutaq-Denısovka» (231-385 km, Aqtóbe oblysynyń shekarasynan - Denısovka a.) «Denısovka - Jetiqara - Myqtykól» (82-174 km, Jetiqara q.-Myqtykól a.-RF shekarasyna deıin) júk avtokólikterine jáne avtobýs habarlamalary túrine jabyldy.
Soltústik Qazaqstan oblysynda aýa raıynyń nasharlaýyna baılanysty (jańbyr, kóktaıǵaq) barlyq baǵytqa avtokólikter túrlerine qozǵalys toqtatyldy.
