Respýblıkanyń sý qoımalarynda apta saıyn 40-qa jýyq adam qaza tabady - V.Bojko
TANA. 18 tamyz. QazAqparat /Gúlmıra Alıakparova/ - Respýblıkanyń sý qoımalarynda apta saıyn 40-qa jýyq adam qaza tabady.
Bul týraly búgin Astanada Tótenshe jaǵdaılar mınıstrligine qarasty aýdandyq, qalalyq jáne oblystyq qurylmdar basshylarynyń qatysýymen bastalǵan semınar-keńeste vedomstvo basshysy Vladımır Bojko málim etti.
«Búginde sý qoımalaryndaǵy adam ólimderi qaterli aýqymǵa ıe bolyp barady. Máselen, osy kúnge deıin eldegi sý nysandarynda 1 355 adam apatqa ushyrady, onyń 351-i mert boldy. Árbir adam ómiri elimizdiń úlken qundylyǵy jáne olardy belsendi, jas shaǵynda joǵaltý ókinishti. Árıne, ólim kórsetkishteri ótken jylmen salystyrǵanda azdap azaıdy. Biraq, bul kórsetkishtiń aldaǵy ýaqytta da tómendep otyrýyna yqpal etýimiz kerek. Jaǵymdy dınamıka joq. Bizde apta saıyn 40-qa jýyq adam sýǵa ketedi. Aǵymdaǵy jyly bolǵan qaıǵyly oqıǵalardyń deni Almaty, Shyǵys Qazaqstan jáne Qyzylorda oblystarynyń sý qoımalarynda boldy. Eń kóp sý nysandary osy óńirlerde ornalasqanyn túsinemin. Degenmen, jumys isteý kerek», - dep qadap aıtty mınıstr.
Bojkonyń aıtýynsha, sý qoımalaryndaǵy qaıǵyly oqıǵalardyń negizgi sebepteri - qutqarý quraldarynyń bolmaýy, nysandar ıeleriniń qaýipsizdik sharalaryna nemquraıly qaraýy jáne alkologolge mas kúıinde jeke bastyń qaýipsizdigin saqtamaý.
«Biraq, qaýipsizdikti qamtamasyz etý mindetin bizden de eshkim alǵan joq. Qalalyq jáne aýdandyq qurylymdardyń barlyq basshylary aldyn alý jáne aqparattyq jumystardy belsendirek júrgizýi kerek. Sebebi, sýǵa batyp ketkenderdiń basym kópshiligi shomylý qarastyrylmaǵan jerlerde mert boldy. ıAǵnı, qaýipsizdik jaýapkershiligi sizderge júktelgen aýmaqtarda», - dedi ol.
Sondaı-aq keńes barysynda málim bolǵandaı, Tótenshe jaǵdaılar mınıstri V.Bojko, eldegi barlyq akvatorıılerge tıptik tólqujat ázirleýge buıryq shyǵarǵan. «Bul - sý nysandarynda qaýipsizdikti qamtamasyz etý boıynsha keshendi sharalardy ázirleýge negiz bermek. Biraq mundaı tólqujatty tek Jambyl oblysy boıynsha TJD ǵana oryndap, bizge joldady. Basqalary arnaıy nusqaýlardy tosyp otyr. Arnaıy nusqaýlardy tospańyzdar degim keledi, sebebi, olar qatań sógistermen jetýi múmkin», - dep túıindedi sózin mınıstr.
