Respýblıkanyń soltústik jáne shyǵys aımaqtarynda kún sýytady - TJM
ASTANA. Jeltoqsannyń 3-i. QazAqparat - Búgin, beısenbi kúni respýblıkanyń soltústiginde, soltústik-shyǵysy men shyǵys aımaqtarynda kún sýytady - Batys Sibir aýdandarynan sýyq aýa aǵyny jetedi,
dep habarlaıdy Tótenshe jaǵdaılar mınıstrliginiń baspasóz qyzmetinen.
Soltústik Qazaqstanda, Aqmola oblysynda keı jerlerde kóktaıǵaq bolady, jeldiń ekpini 15-22 metr-sekýndqa deıin kúsheıedi.
Qostanaı oblysynda boran, kóktaıǵaq bolady, jeldiń ekpini 15-20 metr/sekýndqa jetýi yqtımal. Al Shyǵys Qazaqstan oblysynyń keı jerlerinde jeldiń ekpini 17-22 metr/sekýndqa jetedi.
Almaty, Jambyl, Ońtústik Qazaqstan, Qyzylorda, Aqtóbe, Qaraǵandy oblystarynda, túnde Mańǵystaý jáne Atyraý oblystarynda tuman túsedi, kóktaıǵaq bolady.
Túnde Batys Qazaqstan oblysynyń keı jerlerinde tuman bolady.
