Respýblıkanyń soltústik óńirlerinde jel kúsheıedi - Qazgıdromet
ASTANA. 26 tamyz. QazAqparat - QR Qorshaǵan ortany qorǵaý mınıstrliginiń «Qazgıdromet» RMK málimetteri boıynsha, 27 tamyzda Qazaqstan aýmaǵynyń basym bóliginde atmosferalyq aǵyndardyń ótýine baılanysty keı jerlerde naızaǵaı jarqyldap, jańbyr jaýady, jel kúsheıedi, soltústikte burshaq jaýýy múmkin. Tek ońtústikte, ońtústik-shyǵysta - aýa raıy jaýyn-shashynsyz bolady.
Aqmola, Qostanaı, Pavlodar oblystarynda, kúndiz Qaraǵandy oblysynda keı jerlerde jel 15-20 m/s-qa kúsheıedi dep kútilýde. Soltústik Qazaqstan oblysynda keı jerlerde tuman túsedi dep kútilýde, 15-20 m/s jel soǵady, burshaq jaýýy múmkin. Atyraý, Batys Qazaqstan oblystarynda keı jerlerde jel 15-20 m/s-qa kúsheıedi dep kútilýde, shań kóterilip, daýyl turady.
Respýblıkanyń ońtústiginde, ońtústik-shyǵysynda jáne ortalyǵynda keı jerlerde tótenshe joǵary órt qaýpi saqtalady.
Jaqyn táýlikterde respýblıkanyń ońtústiginiń, ońtústik-shyǵysynyń jáne shyǵysynyń taýly ózenderinde sý deńgeıi turaqsyz bolady dep kútilýde. Qazaqstannyń qalǵan sýly nysandarynda gıdrologııalyq tártipte aıtarlyqtaı ózgerister kútilmeıdi.
