Respýblıkanyń soltústik óńirlerinde jaýyn-shashyn jaýady dep kútilýde - 12 qańtarǵa arnalǵan aýa raıy boljamy
ASTANA. 11 qańtar. QazAqparat - Qazaqstannyń basym bóliginde aýa raıy tsıklonnyń yqpalynda bolady, soǵan baılanysty keı jerlerde jaýyn-shashyn (soltústik óńirlerde - qar) jaýady dep kútilýde, Jambyl jáne Ońtústik Qazaqstan oblysynyń taýly jáne taý bókterindegi aýdandarynda qatty jaýyn-shashyn jaýady, keı jerlerde tuman túsedi, kóktaıǵaq bolyp, ekpindi jel soǵady.
Bul týraly Qazgıdrometke silteme jasaı otyryp QR TJM-niń baspasóz qyzmetinen habarlandy. Tek respýblıkanyń batysynda ǵana aýa raıy jaýyn-shashynsyz bolady.
Jambyl oblysynda taýly jáne taý bókterindegi aýdandarda qatty jaýyn-shashyn jaýyp, keı jerlerde tuman túsedi, kóktaıǵaq ornap, 17-22 m/s jyldamdyqpen jel soǵady, onyń ekpini 30 m/s-qa deıin jetedi.
Ońtústik Qazaqstan jáne Qyzylorda oblystarynda jekelegen jerlerde tuman túsedi, kóktaıǵaq ornap, qarly burqasyn bolady, keı kezderi Qyzylorda, Ońtústik Qazaqstannyń basym aýmaǵynda 17-22 m/s jyldamyqpen jel soǵady, Ońtústik Qazaqstan oblysynyń taýly jáne taý bókterindegi aýdandarynda jeldiń ekpini 30 m/s-qa deıin jetedi.
Ońtústik Qazaqstan oblysynyń taýly jáne taý bókterindegi aýdandarda qatty jaýyn-shashyn jaýady.
Aqmola jáne Qostanaı oblystarynda keı jerlerde qarly burqasyn bolady, túnde tuman túsedi, Aqmolada kúndiz, Qostanaı oblysynda táýlik boıy jyldamdyǵy 15-20 m/s-qa jetetin jel soǵady.
Qaraǵandy, Shyǵys Qazaqstan oblystarynda keı jerlerde qarly burqasyn bolady, jeldiń ekpini 15-20 m/s-qa jetedi, Shyǵys Qazaqstan oblysynyń Jarma aýdanynda jeldiń ekpini 25 m/s-ty quraıdy.
Pavlodar oblysynda keı jerlerde qarly burqasyn bolady, kúndiz 15-20 m/s jyldamdyqpen jel soǵady, keı kezderi onyń ekpini 25 m/s-qa jetedi. Almaty oblysynda keı jerlerde kóktaıǵaq bolady, jeldiń jyldymdyǵy 15-20 m/s-ty quraıdy.
