Respýblıkanyń soltústiginde jańbyr kútiledi, túnde jańbyrdyń qarǵa ulasýy, jeldiń kúsheıýi múmkin - 29 sáýirge arnalǵan aýa raıy boljamy
ASTANA. 28 sáýir. QazAqparat - Qazaqstannyń kóptegen bóliginde atmosferalyq frontaldyq bólikterdiń ótýimen birge soltústikte jańbyr kútiledi, túnde jańbyrdyń qarǵa ulasýy, jeldiń kúsheıýi múmkin, dep habarlaıdy Qazgıdrometke silteme jasaǵan TJM-niń baspasóz qyzmeti.
Ońtústikte naızaǵaı oınap, ótkinshi jańbyr jaýyp, jel kúsheıedi.
Aqmola, Jambyl, Ońtústik Qazaqstan, Qyzylorda, Shyǵys Qazaqstan, túnde Almaty, kúndiz Aqtóbe oblystarynda keıbir jerlerde 15-20 m/s jyldamdyqpen jel soǵýy kútiledi.
Soltústik Qazaqstan oblysynda túnde keıbir jerlerde 15-20 m/s jyldamdyqpen jel soǵady, kúndiz jel 15-20 m/s deıingi ekpinde bolady. Pavlodar oblysynda kúndiz sekýndyna 17-22 metrge deıin jel soǵady dep kútilýde.
Qyzylorda, Ońtústik Qazaqstan, Almaty, Qaraǵandy jáne Shyǵys Qazaqstan oblystarynda keıbir jerlerde órt qaýiptiligi joǵary bolady dep kútilýde.
Sáýirdiń 29-y men mamyrdyń 2-i aralyǵynda respýblıkanyń ońtústiginde, ońtústik-shyǵysynda jáne shyǵysynda sý deńgeıleriniń aýytqýlary kútiledi. Jaıyq ózeninde sý deńgeıleriniń shaǵyn kóterilýleri (táýligine 1-5 sm) baıqalady. Jazyq aýmaqtyń basqa ózenderinde kóktemgi tasqyndar tolqynynyń basylýy jalǵasady.
