Respýblıkanyń soltústiginde, soltústik-batysy men ortalyǵynda túnde qatqaq túsedi - 21 qyrkúıekke arnalǵan aýa raıy boljamy
ASTANA. 20 qyrkúıek. QazAqparat - QR Qorshaǵan ortany qorǵaý mınıstrliginiń «Qazgıdromet» RMK-nyń málimetterinshe, 21 qyrkúıekte Qazaqstannyń kóptegen aýmaǵynda kóbine jaýyn-shashynsyz aýa raıy bolady, respýblıkanyń shyǵys bóliginde ǵana keıbir jerlerde jańbyr jaýyp, batysy men shyǵysynda jeldiń kúsheıýi yqtımal.
Respýblıkanyń soltústiginde, soltústik-batysy men ortalyǵynda túnde qatqaq túsedi.
Mańǵystaý, Pavlodar oblystarynda, kúndiz Atyraý, Shyǵys Qazaqstan oblystarynda jeldiń 15-20 m/s jyldamdyqpen soǵýy, Atyraý oblysynda shańdy daýyl bolýy múmkin.
Túnde jáne tańerteń Aqmola jáne Qostanaı oblystarynda tuman túsedi. Respýblıkanyń ońtústiginde, ońtústik-shyǵysy men batysynda tótenshe joǵary órt qaýiptiligi saqtalýda.
Jaqyn táýlikterde taýly aýmaqtaǵy ózenderde sý deńgeıleriniń aýytqýlary kútiledi. Qazaqstannyń qalǵan sý nysandarynda gıdrologııalyq rejımde aıtarlyqtaı ózgerister bolmaıdy.
