Respýblıkanyń soltústiginde qar, qarly burqasyn, tuman, kóktaıǵaq kútilýde - 8 aqpanǵa arnalǵan aýa raıy boljamy
ASTANA. 7 aqpan. QazAqparat - Qazaqstannyń soltústigi, ońtústik-batysy atmosferalyq aǵymdardyń yqpalynda bolady, soǵan baılanysty elimizdiń soltústiginde qar jaýyp, qarly burqasynmen ekpindi jel soǵady, tuman túsip, kóktaıǵaq ornaıdy dep kútilýde. Bul týraly Qazgıdrometke silteme jasaı otyryp QR TJM-niń baspasóz qyzmetinen habarlandy.
Aqmola, Shyǵys Qazaqstan oblystarynda keı jerlerde qarly burqasyn bolady, 15-20 m/s jyldamdyqpen jel soǵady.
Jambyl, Ońtústik Qazaqstan oblystarynda - jekelegen jerlerde tuman túsedi, 15-20 m/s jyldamdyqpen jel soǵady. Mańǵystaý, Atyraý oblystarynda keı jerlerde tuman túsip, kóktaıǵaq ornap, 15-20 m/s jyldamdyqpen jel soǵýy yqtımal. Qyzylorda, Pavlodar oblystarynda jeldiń ekpini 15-23 m/s-ty quraıdy.
Batys Qazaqstan, Soltústik Qazaqstan, Qostanaı oblystarynda tuman túsedi. Aqtóbe oblysynda keı jerlerde tuman túsip, kúndiz 15-20 m/s jyldamdyqpen jel soǵady. Almaty oblysynda tuman túsedi, Jalańashkól aýdanynda jeldiń ekpini 18-23 m/s-qa jetedi.
