Respýblıkanyń soltústigi men soltústik-shyǵysyna kúshti tsıklon jyljyp keledi - 19 qyrkúıekke arnalǵan aýa raıy boljamy
ASTANA. 18 qyrkúıek. QazAqparat - Qazaqstan Respýblıkasy Qorshaǵan ortany qorǵaý mınıstrliginiń «Qazgıdromet» RMK-nyń málimetterinshe, 19 qyrkúıek kúni Aqmola oblysynda soltústik-batystan 15-20 m/s-ke deıin jel turyp, keıbir jerlerde jeldiń ekpini 25 m/s-qa deıin jetedi.
Astana qalasynda soltústik-batystan 15-20 m/s-ke deıin jel soǵady.
Respýblıkanyń soltústik, soltústik-shyǵysynda kúshti tsıklon jáne onymen baılanysty atmosferalyq aǵyndarǵa oraı jańbyr jaýady, soltústik-batys pen ortalyqta keıbir jerlerde jańbyr jaýady, jel kúsheıedi.
Respýblıkanyń qalǵan bóliginde jaýyn-shashynsyz aýa raıy kútilýde.
Aqmola oblysynda, Soltústik Qazaqstan, Pavlodar, Qostanaı, Ońtústik Qazaqstan, Qyzylorda, Qaraǵandy, Shyǵys Qazaqstan oblystarynyń keıbir jerlerinde, kúndiz Jambyl jáne Aqtóbe oblystarynda 15-20 m/s-ke deıin jel soǵady, Aqmola oblysynda, kúndiz Soltústik Qazaqstan oblysynda jel ekpini 25 m/s-qa deıin jetedi.
Respýblıkanyń ońtústiginde jáne ońtústik-shyǵysynda, batys bóliginiń keıbir jerlerinde tótenshe joǵary órt qaýiptiligi saqtalady.
Jaqyn táýlikterde respýblıkanyń ońtústigi, ońtústik-shyǵysy men shyǵysynda sý deńgeıleriniń aýytqýlary kútilýde.
