Respýblıkanyń soltústigi men soltústik-batysynda keı jerlerde tuman túsedi - 20 qyrkúıektegi aýa raıy boljamy
ASTANA. 19 qyrkúıek. QazAqparat - Qazaqstan aýmaǵynyń basym bóliginde atmosferanyń joǵary qysymy jaǵdaıynda kún ashyq bolady, respýblıkanyń batysynda, soltústik-shyǵysynda jáne shyǵysynda ǵana atmosferalyq aǵyndar ótýimen keı jerlerde jańbyr jaýyp, jel kúsheıedi.
Eldiń soltústiigi men soltústik-batysynda keı jerlerde tuman túsedi. Bul týraly QR TMJ baspasóz qyzmeti Qazgıdrometke silteme jasap habarlady. Jambyl, Ońtústik Qazaqstan, Qyzylorda, Mańǵystaý, Atyraý, Batys Qazaqstan, Aqtóbe, Shyǵys Qazaqstan oblystarynda keı jerlerde jel kúshiniń sekýndyna 15-21 metrge deıin kúsheıýi kútiledi. Qyzylorda oblysynda shańdy daýyl turady. Qostanaı oblysynda túnde jáne tańerteń tuman túsedi. Soltústik Qazaqstan oblysynyń keıbir aýdandarynda jeldiń ekpini 18 m/s-qa deıin kúsheıip, túnde jáne tańerteń tuman túsedi.
Respýblıkanyń ońtústiginde, ońtústik-shyǵysynda jáne ortalyǵynda joǵary órt qaýpi saqtalady.
Taıaýdaǵy táýlikterde respýblıkanyń shyǵysyndaǵy taý ózenderinde sý deńgeıiniń qubylýy baıqalady.
