Respýblıkanyń shyǵysynda jańbyr jaýyp, naızaǵaı oınaıdy, batysynda kún qatty ysıdy dep kútilýde - 14 maýsymǵa arnalǵan aýa raıy boljamy
ASTANA. 13 maýsym. QazAqparat - Qazaqstan Respýblıkasynyń Qorshaǵan ortany qorǵaý mınıstrliginiń «Qazgıdromet» RMK boljaýynsha, 14 maýsymda atmosferalyq aǵymdardyń ótýine baılanysty Qazaqstan shyǵysynyń jartysynda tsıklonnyń yqpaly
saqtalady.
Jańbyr jaýyp, naızaǵaı oınap, jel kúsheıedi dep kútilýde, burshaq jaýýy múmkin.
Qostanaı, Aqmola, Qaraǵandy, Pavlodar, Jambyl oblystarynda, túnde Soltústik Qazaqstan oblysynyń jekelegen jerlerinde 15-20 m/s jyldamdyqpen jel soǵady.
Shyǵys Qazaqstan, Almaty oblystarynyń keı jerlerinde jeldiń ekpini 17-22 m/s-qa deıin kúsheıedi dep kútilýde.
Soltústik Qazaqstan oblysynda túnde jáne kúndiz keı jerlerde tuman bolady.
Mańǵystaý, Atyraý, Batys Qazaqstan, Qyzylorda oblystarynyń jekelegen jerlerinde, Ońtústik Qazaqstan oblysynda tótenshe joǵary órt qaýpi saqtalady.
Mańǵystaý, Atyraý jáne Batys Qazaqstan oblystarynda, Aqtóbe oblysynyń keı jerlerinde kún qatty ysıdy dep kútilýde.
