Respýblıkanyń shyǵysynda burshaq jaýyp, jel kúsheıýi yqtımal - 16 mamyrǵa arnalǵan aýa raıy
ASTANA. 15 maýsym. QazAqparat - Qazaqstannyń basym aýmaǵynda atmosferalyq aǵymdardyń ótýine baılanysty aýa raıy turaqsyz bolady dep kútilýde, jańbyr jaýyp, jekelegen jerlerde nóserlep jaýyp, naızaǵaı oınaıdy, respýblıkanyń shyǵysy
men ońtústik-shyǵysynda burshaq jaýady, dep habarlady Qazgıdrometke silteme jasaı otyryp, QR TJM-niń baspasóz qyzmeti.
Aldaǵy 3 táýlikte yqtımal nóserli jańbyrǵa baılanysty Almaty oblysynyń jekelegen taýly ózderinde sý tasqyny bolady dep kútilýde, Batys Altaı ózenderinde sý deńgeıiniń aýytqýshylyǵy baıqalady. Respýblıkanyń ońtústik taýly ózenderinde de sý deńgeıiniń aýytqýshylyǵy baıqalady.
Batys aýdandarda kúnniń qatty ysýy saqtalady.
Aqmola, Jambyl, Atyraý, Aqtóbe, Pavlodar, kúndiz Batys Qazaqstan jáne Soltústik Qazaqstan oblystarynyń jekelegen jerlerinde 15-20 m/s jyldamdyqpen jel soǵady. Qaraǵandy oblysynda túnde keı jerlerde tuman bolyp, jeldiń ekpini 18 m/s-qa deıin jetedi. Almaty jáne Shyǵys Qazaqstan oblystarynyń jekelegen jerlerinde 15-22 m/s jyldamdyqpen jel soǵyp, burshaq jaýýy yqtımal.
Mańǵystaý, Atyraý, Batys Qazaqstan, Aqtóbe, Qyzylrda, Ońtústik Qazaqstan, Qostanaı jáne Shyǵys Qazaqstan oblystarynda tótenshe joǵary órt qaýpi saqtalady.
Mańystaý, Atyraý, Batys Qazaqstan, Aqtóbe oblystarynda kún ysıdy, jekelegen jerlerde kún qatty ysıdy dep kútilýde. Qaraǵandy, Qyzylorda oblystarynda keı jerlerde kún raıy ystyq bolady.
