Respýblıkanyń shyǵysy men ońtústik-shyǵysynda jańbyr men burshaq jaýyp, naızaǵaı oınaıdy - 14 shildege arnalǵan aýa raıy boljamy
ASTANA. 13 shilde. QazAqparat - Qazaqstannyń basym aýmaǵynda atmosferalyq aǵymdardyń yqpaly saqtalady.
Soǵan baılanysty respýblıkanyń shyǵysy men ońtústik-shyǵysynda keı jerlerde burshaq jaýyp, naızaǵaı oınaıdy, kúshti jel soǵady. Bul týraldy Qazgıdrometke silteme jasap, TJM-niń baspasóz qyzmeti habarlady.
Respýblıkanyń batysynda kún raıy jaýyn-shashynsyz bolady. Aqmola, Soltústik Qazaqstan, Qostanaı oblystarynda 15-20 m/s jyldamdyqpen jel soǵady, túnde tuman bolady.
Pavlodar, Qaraǵandy, Jambyl, Ońtústik Qazaqstan oblystarynyń jekelegen jerlerinde 15-20 m/s jyldamdyqpen jel soǵady. Shyǵys Qazaqstan oblysynda keı jerlerde 17-22 m/s jyldamdyqpen jel soǵady dep kútilýde, Almaty oblysynda jeldiń ekpini 25 m/s-qa deıin jetedi.
Mańǵystaý oblysynda túnde keı jerlerde tuman bolyp, kún qatty ysıdy. Qyzylorda, Ońtústik Qazaqstan, Batys Qazaqstan oblysynyń ońtústiginde, Atyraý oblysynyń batysynda, Jambyldyń soltústik-batysynda, Almaty oblysynyń soltústiginde, Qaraǵandynyń batysynda joǵary órt qaýpi saqtalady.
Aldaǵy táýlikterde Almaty oblysynyń taýly ózenderinde bolýy yqtımal nóserli jańbyrlarǵa baılanysty sý basý qaýpi bolady, taýlarda sel júrýi múmkin. Shyǵys Qazaqstan oblysynyń jekegen ózenderinde jańbyr saldarynan sý deńgeıi kóterilýi múmkin. Ońtústik Qazaqstan jáne Jambyl oblystarynda sý deńgeıiniń aýytqýy baıqalady. Qazaqstannyń basqa sýly nysandarynda aıtarlyqtaı ózgerister bolmaıdy.
