Respýblıkanyń shyǵysy men ońtústiginde jańbyr jaýyp, naızaǵaı oınaıdy, ońtústik pen ońtústik-shyǵysta burshaq jaýýy múmkin - 19 mamyrǵa arnalǵan aýa raıy
ASTANA. 18 mamyr. QazAqparat - Qazaqstan Respýblıkasynyń Qorshaǵan ortany qorǵaý mınıstrliginiń «Qazgıdromet» RMK boljaýynsha,
19 mamyrda atmosferalyq aǵymdardyń ótýine baılanysty respýblıkanyń shyǵysy men ońtústik jáne ońtústik-shyǵysynda jekelegen jerlerde jańbyr jaýyp, naızaǵaı oınap, ekpindi jel bolady, respýblıkanyń ońtústigi men ońtústik-shyǵysynda burshaq jaýýy yqtımal.
Almaty oblysynyń jekelegen aýdandarynda jeldiń ekpini 15-20 m/s-qa deıin jetedi, burshaq jaýýy múmkin.
Jambyl oblysynyń keı jerlerinde 15-20 m/s jyldamdyqpen jel soǵyp, burshaq jaýady.
Atyraý oblysynyń jekelegen jerlerinde qumdy daýyl bolady, kúndiz 15-20 m/s jyldamdyqpen jel soǵady.
Ońtústik Qazaqstan, Mańǵystaý, kúndiz Shyǵys Qazaqstan oblystarynyń keı jerlerinde 15-20 m/s jyldamdyqpen jel soǵady dep kútilýde.
Qostanaı oblysynyń jekelegen jerlerinde kúndiz jáne túnde tuman bolady.
Aqmola, Qostanaı, Soltústik Qazaqstan, Pavlodar, Qaraǵandy jáne Shyǵys Qazaqstan oblystarynyń keı jerlerinde 0-3 gradýsqa deıin yzǵar saqtalady.
Respýblıkanyń ońtústiginde jekelegen jerlerde joǵary órt qaýpi saqtalady.
Aldaǵy 3 táýlikte respýblıkanyń ońtústik, ońtústik-shyǵys jáne shyǵys taýly ózenderinde sý deńgeıiniń aýytqýshylyǵy baıqalady, Almaty oblysynyń jekelegen aýdandarynda jaýýy yqtımal jańbyrǵa baılanysty sý basý jaǵdaılary bolýy múmkin.
