Respýblıkanyń penıtentsıarlyq júıesinde JQTB indetiniń aldyn alý máselelerine arnalǵan aılyq ótkizilýde
ASTANA. Qazannyń 30-y. QazAqparat /Ǵalymjan Hasenov/ - Jeltoqsannyń 1-inde atap ótiletin Juqtyrylǵan qorǵanysh tapshylyǵy belgisimen (SPID) kúresýdiń dúnıejúzilik kúni qarsańynda respýblıkanyń penıtentsıarlyq júıesinde osynaý ǵasyr indetiniń aldyn alý máselelerine arnalǵan aılyq ótkizilýde,
dep habarlady Ádilet mınıstrliginiń Qylmystyq-atqarý júıesi komıtetinen.
Aktsııa aıasynda túzetý mekemelerinde sporttyq jarystar, saýalnamalar men konkýrstar ótkiziledi, dárister oqylady.
Osynaý ózindik antıvırýstyq marshtyń alǵashqy sharalarynyń biri Almaty tergeý abaqtysynda ótti. Mekeme bastyǵynyń orynbasary Omarjan Toqtıevtiń aıtýynsha, Almaty qalasynyń JQTB-ortalyǵynyń epıdemıolog-dárigeri Nurlan Dúzimbetov sottalǵandarmen osynaý ótkir taqyrypqa áńgime júrgizdi. Odan keıin sottalǵandardyń arasynda AQTQ-JTQB indetterin juqtyrýdyń aldyn alý sharttaryn bilýge arnalǵan konkýrs ótkizildi.
