Respýblıkanyń penıtentsıarlyq júıesinde «Qadaǵalaý» rejimdik-aldyn alý sharasy ótýde
ASTANA. Naýryzdyń 17-si. QazAqparat /Ǵalmjan Hasenov/ - Naýryz merekesi qarsańynda Ádilet mınıstrliginiń qylmystyq-atqarý júıesi «Qadaǵalaý» rejimdik-aldyn alý sharasyn ótkizýde,
dep habarlady QAJ komıtetiniń baspasóz qyzmeti.
Josparly sharanyń negizgi maqsaty - bas bostandyǵynan aıyrý oryndarynda sottalǵandardy ustaý rejimin nyǵaıtý jáne jedel jaǵdaıdy saýyqtyrý bolmaq. Sondaı-aq kolonııaǵa tıym salynǵan zattardyń (esirtki, spırttik ishimdikter, uıaly telefondar) enýi arnalarynyń jolyn kesý jumystaryn jandandyrý.
Bul sharada kózdelgen mindetterdi oryndaýǵa ІІM barlyq ishki áskerler aýmaqtyq bóliimsheleri, jergilikti jerlerdegi ákimshilik polıtsııasy, sondaı-aq ІІM-niń esirtki bıznesimen kúres jáne esirtki aınalymyna baqylaý komıteti jumyldyryldy.
Uıymdastyrý jumystaryn der kezinde sheshý úshin QAJ komıtetiniń jedel shtaby quryldy, onyń quramyna tájirıbeli qyzmetkerler endi. Bundaı shtabtar barlyq aýmaqtyq qylmystyq-atqarý júıesi basqarmalarynda qurylýda.
Respýblıkalyq «Qadaǵalaý» rejimdik-aldyn alý sharalarynyń qorytyndylary aǵymdaǵy jylǵy sáýirdiń 3-inde Ádilet mınıstrliginde ótetin respýblıkalyq beıneselektorlyq keńeste shyǵarylady, dep atap kórsetti QAJ komıtetiniń baspasóz qyzmeti.
