Respýblıkanyń penıtentsıarlyq júıe mekemelerinde qardan jasalǵan músinder baıqaýy ótýde

dep habarlaıdy QazAqparat QR Ádilet mınıstrligi Qylmystyq atqarý júıesi komıtetiniń (QAJK) baspasóz qyzmetine silteme jasap.

 Temir tordyń arǵy betine túskenderdiń arasynda tárbıe jumystaryn júrgizý sheńberinde ótkizilip otyrǵan atalmysh mádenı-kópshilik is-sharanyń basty maqsaty - adamdardy ónerdi, sulýlyqty túsinýge baýlý jáne estetıkalyq talǵamǵa tárbıeleý.

 «Baıqaýǵa qatysýshylar óz erkimen qatystyrylady jáne olar qarly kompozıtsııalarda ózderiniń shyǵarmashylyq qııaldaryn beıneleı alady», - dep atap ótti baspasóz qyzmetinen.

 Máselen, Shyǵys Qazaqstan oblysy boıynsha QAJK basqarmasynyń aıtýynsha, atalmysh baıqaýǵa dástúr boıynsha aımaqtyń barlyq túzeý mekemesi belsendi qatysqan.

 Al Soltústik Qazaqstan oblysynyń mekemeleri jasaǵan músinderdiń jalpy sany 80-ge jýyqtaǵan. Qarly músinderdiń basym deni ertegi keıipkerlerine, Aıaz Ata men Aqshaqarǵa arnalǵan.

 Qoǵamdyq baqylaý komıssııasy men úkimettik emes uıymdardyń ókilderinen quralǵan qazylar alqasy baıqaýdyń nátıjesin jeltoqsannyń 30-31 kúnideri shyǵaryp, jeńimpazdar men jekelegen qatysýshylarǵa mekemeler ákimshilikteriniń atynan marapattardy tabys etedi.