Respýblıkanyń ońtústiginde 24 tamyzda shań kóterilip, daýyl turady dep kútilýde
ASTANA. 23 tamyz. QazAqparat - Qazaqstannyń basym bóliginde naızaǵaı jarqyldap, jańbyr jaýyp, jel kúsheıedi. Soltústikte túnde tuman túsedi dep kútilýde, ońtústikte shań kóterilip, daýyl turady. Tek batysta - aýa raıy jaýyn-shashynsyz bolady.
Bul týrady Qazgıdrometke silteme jasap, QR TJM baspasóz qyzmetinen habarlady.
Aqmola, Ońtústik Qazaqstan, Qostanaı, Soltústik Qazaqstan, Pavlodar, Qaraǵandy oblystarynda, kúndiz Almaty, Shyǵys Qazaqstan oblystarynda keı jerlerinde jel 15-20 m/s-qa kúsheıedi dep kútilýde, Soltústik Qazaqstan oblysynda túnde jáne tańerteń keı jerlerde tuman túsedi dep kútilýde, Ońtústik Qazaqstan oblysynda shań kóterilip, daýyl turady.
