Respýblıkanyń ońtústigi men batysynda ǵana jaýyn-shashynsyz aýa raıy kútilýde - Qazgıdromet
ASTANA. 17 shilde. QazAqparat - QR Qorshaǵan ortany qorǵaý mınıstrligi «Qazgıdromet» RMK málimetteri boıynsha, 18 shildede Qazaqstan aýmaǵynyń basym bóliginde aýa raıynyń turaqsyzdyǵy saqtalady.
Keı jerlerde naızaǵaı jarqyldap, jańbyr jaýady, burshaq jaýýy, uıytqyǵan jel soǵýy múmkin, tek respýblıkanyń ońtústiginde jáne batysynda jaýyn-shashynsyz aýa raıy kútilýde.
Aqmola oblysynda burshaq jaýýy múmkin. Pavlodar, Shyǵys Qazaqstan, kúndiz Batys Qazaqstan, Atyraý oblystarynda keı jerlerde jel 15-20 m/s-qa deıin kúsheıedi dep kútilýde. Qaraǵandy oblysynda keı jerlerde jel 15-20 m/s-qa deıin kúsheıedi dep kútilýde, burshaq jaýýy múmkin. Soltústik Qazaqstan oblysynda keı jerlerde jel 15-20 m/s-qa kúsheıedi dep kútilýde, túnde jáne tańerteń keı jerlerde tuman túsedi, burshaq jaýýy múmkin. Qostanaı oblysynda túnde jáne tańerteń keı jerlerde tuman túsedi dep kútilýde.
Respýblıkanyń soltústik-batysynda, batysynda, ońtústiginde, ońtústik-shyǵysynda keı jerlerde tótenshe joǵary órt qaýpi saqtalady.
Jaqyn táýlikterde respýblıkanyń ońtústigi, ońtústik-shyǵysy jáne shyǵysyndaǵy ózenderdiń kópshiliginde sý deńgeıiniń turaqsyzdyǵy baıqalady. Qazaqstannyń jazyq aýmaǵynyń ózenderinde gıdrologııalyq tártipte aıtarlyqtaı ózgerister kútilmeıdi.
