Respýblıkanyń kóp jerlerinde kún kúrkirep, kúshti jel turady, jańbyr jaýady - Qazgıdromet
ANA. 2 shilde. QazAqparat - Respýblıkanyń basym bóligi - antıtsıklonnyń yqpalynda bolǵanymen, shyǵys jáne ońtústik-shyǵys óńir atmosferalyq aýa aǵymynyń yqpalynda tur, sondyqtan da bul óńirde jańbyr jaýyp, kún kúrkireıdi, jel turady dep kútilýde.
Bul týraly «Qazgıdromet» ortalyǵynan habarlady.
Almaty, Shyǵys Qazaqstan oblystarynyń keı jerlerinde jel turyp, onyń ekpini 15-22 metr/sekýnd jyldamdyqqa jetýi múmkin. Kúndiz keıbir aýdandarda burshaq jaýady dep kútilýde.
Al Jambyl, Qyzylorda, Mańǵystaý, Soltústik Qazaqstan, Aqmola, Pavlodar, Qaraǵandy oblystarynda, túnde Qostanaı oblysynda, kúndiz Ońtústik Qazaqstan oblysynda keı jerlerde jel turady, onyń ekpini 15-20 metr/sekýndqa deıin jetedi. Qyzylorda oblysynda daýyl turýy yqtımal.
Mańǵystaý jáne Atyraý oblystarynda aptap ystyq bolady.
Qyzylorda, Ońtústik Qazaqstan oblystarynda jáne Qaraǵandynyń ońtústik-batysynda órt shyǵý qaýpi tótenshe joǵary.
