Respýblıkanyń keıbir jerlerinde tuman túsip, jel kúsheıedi - 6 naýryzǵa arnalǵan aýa raıy boljamy
ASTANA. QazAqparat - Qazaqstannyń basym bóliginde antıtsıklon yqpalymen kún ashyq bolady, respýblıkanyń soltústiginde, ońtústik túpkirinde jáne ońtústik-batysynda ǵana jaýyn-shashyn, keı jerlerde jaıaý borasyn bolady. Respýblıka boıynsha keı jerlerde tuman túsip, jel kúsheıedi, dep habarlady QR TJM baspasóz qyzmeti Qazgıdrometke silteme jasap.
Aqmola, Pavlodar, Qyzylorda oblystarynda keı jerlerde tuman túsedi. Mańǵystaý, Qostanaı, Soltústik Qazaqstan oblystarynda keı jerlerde tuman túsip, kóktaıǵaq bolady. Jambyl, Shyǵys Qazaqstan oblystarynda keı jerlerde tuman túsedi, jeldiń kúshi 15-20 m/s-qa jetedi. Aqtóbe oblysynda túnde keı jerlerde 18 m/s-qa deıin jel kúsheıip, jaıaý borasyn bolady. Qaraǵandy, Ońtústik Qazaqstan oblystarynda kúndiz jeldiń kúshi 15-20 m/s-qa deıin jetip, Qaraǵandy oblysynda burqasyn kóteriledi. Almaty oblysynda keı jerlerde tuman túsedi, Jalańashkól aýdanynda jeldiń kúshi 15-20 m/s-qa deıin jetip, kúndiz jeldiń uıtqýy 25 m/s-qa deıin kúsheıedi.
Taıaýdaǵy táýlikterde Qaıraqqum sý qoımasynan keletin sý mólsheriniń ulǵaıýy esebinen Syrdarııa ózeninde Shardara sý qoımasyna aǵyn birte-birte arta túsýi kútilýde. Qazaqstannyń ońtústigindegi, ońtústik-shyǵysyndaǵy jáne shyǵysyndaǵy ózenderde sý deńgeıiniń qubylýy baıqalady. Respýblıkanyń ońtústigindegi jáne ońtústik-shyǵysyndaǵy keıbir ózenderde muz qabatynyń odan ári álsireýi kútilýde.
