Respýblıkanyń keıbir aımaqtarynda túnde qatty aıaz kútilýde - Qazgıdromet
ASTANA. QazAqparat - 7 aqpan kúni respýblıka aýmaǵynyń basym bóliginde burynǵysha atmosferalyq frontaldyq aǵyndardyń ótýine baılanysty aýa raıynyń turaqsyzdyǵy saqtalady, jer-jerlerde qar, boran, qatty jel, jekelegen aýdandarda tuman, kóktaıǵaq kútiledi. Bul týraly «Qazgıdrometke» silteme jasap, QR TJM baspasóz qyzmetinen habarlandy.
Almaty oblysynyń Jalańashkól aýdanynda 18-23 m/s-qa jel kúsheıip, ekpini 28 m/s-qa deıin barady. Ońtústik Qazaqstan oblysynyń birqatar jerlerinde boran soǵyp, tuman bolady, jeldiń ekpini 15-20 m/s-qa deıin barady.
Aqmola, Qyzylorda, Jambyl, Aqtóbe, Qostanaı, Soltústik Qazaqstan, Qaraǵandy oblystarynda, kúndiz Shyǵys Qazaqstan oblystarynyń keı jerlerinde burqasyndatyp, jel 15-20 m/s-qa kúsheıedi. Mańǵystaý oblysynda jel 15-20 m/s-qa kúsheıedi, keıbir aýdandarynda tuman, kóktaıǵaq bolyp, boran soǵady. Kúndiz Atyraý oblysynyń keı jerlerinde jeldiń ekpini 15-20 m/s-qa deıin barady. Túnde Almaty, Mańǵystaý oblystarynda qatty aıaz bolý yqtımal. Atyraý oblysynyń keıbir jerlerinde qatty aıaz bolady dep kútilýde.
