Respýblıkanyń keıbir aımaqtarynda aýa raıy -40 gradýsqa deıin kúsheıedi dep kútilýde
ASTANA. QazAqparat - Qazaqstandaǵy aýa raıyna senbi kúni, al ońtústik, ońtústik-shyǵys jáne shyǵystaǵy aýa-raıyna jeksenbi kúni de tsıklon áser etetin bolady, onymen birge qar, boran, 15-20 m/s jel, respýblıkanyń ońtústik jáne ońtústik-shyǵysynda muztaıǵaq jáne temperatýranyń normadan joǵary bolýy kútilýde, dep habarlaıdy «Qazgıdromet» RMK.
«Jeksenbi kúni túngi temperatýra respýblıkanyń batysynda - 22-30º aıazǵa deıin; al dúısenbi kúni shyǵysta jáne ortalyqta 30-35º deıin, ońtústikte jáne ońtústik-shyǵysta 15-20 deıin, keı jerlerde - 25-30º aıazǵa deıin tómendeıdi. Qazaqstannyń soltústik, shyǵys jáne ortalyq oblystarynda aıaz - 40º deıin kúsheıýi múmkin. Osyndaı temperatýra klımattyq normadan 8-15º tómen bolady», - delingen habarlamada.
