Respýblıkanyń keı jerlerinde jaýyn-shashyn bolýy, tuman túsýi, kóktaıǵaq bolyp, jeldiń kúsheıýi kútiledi
ASTANA. QazAqparat - Respýblıka aýmaǵynda atmosferalyq aǵyndardyń ótýimen keı jerlerde jaýyn-shashyn bolýy, tuman túsýi, kóktaıǵaq bolyp, jeldiń kúsheıýi kútiledi, Qazaqstannyń ońtústiginde, ońtústik-batysynda jáne batysynda ǵana kún raıy ashyq bolady, dep habarlady QR ІІM Tótenshe jaǵdaılar komıteti «Qazgıdrometke» silteme jasap.
Aqmola, Qostanaı oblystarynda keı jerlerde burqasyn kóterilip, tuman túsedi, kóktaıǵaq bolady, jeldiń kúshi 15-20 m/s. Jambyl, Soltústik Qazaqstan, Qaraǵandy, Shyǵys Qazaqstan oblystarynda keı jerlerde tuman túsip, kóktaıǵaq bolady. Almaty, Atyraý, Batys Qazaqstan, Aqtóbe oblystarynda, túnde jáne kúndiz Mańǵystaý oblysynda keı jerlerde tuman túsedi.
Taıaýdaǵy táýlikterde Syrdarııa ózeniniń Shardara sý qoımasynan tómengi saǵasynda Shardaradan sý aǵyny ulǵaıýyna baılanysty sý kólemi kóteriledi. Qazaqstannyń soltústik, shyǵys jáne ortalyq bóligindegi keıbir sý nysandarynda muz qatý úderisi jalǵasady. Respýblıkanyń ońtústik, ońtústik-shyǵys jáne shyǵys óńirlerindegi ózenderde gıdrologııalyq rejımde aıtarlyqtaı ózgerister bolmaıdy.
