Respýblıkanyń keı jerlerinde kún kúrkirep, jaýyn jaýady, jel kúsheıedi - 11 shildedegi aýa raıy boljamy
ASTANA. QazAqparat - Respýblıkanyń basym bóliginde atmosferalyq aǵyndardyń ótýimen aýa raıynyń turaqsyz sıpaty kútiledi, keı jerlerde kún kúrkirep, jaýyn jaýady, jel kúsheıedi ońtústikte shańdy daýyl kóteriledi. Qazaqstannyń qalǵan aýmaǵynda kún raıy ashyq jáne ystyq bolady,
dep habarlady QR TJM baspasóz qyzmeti «Qazgıdrometke» silteme jasap.
Aqmola, Aqtóbe, Qostanaı, Soltústik Qazaqstan, Pavlodar, kúndiz Jambyl, Qyzylorda, Batys Qazaqstan, Qaraǵandy oblystarynda keı jerlerde jeldiń kúshi 15-20 m/s-qa jetedi, Qyzylorda oblysynda shańdy daýyl kóteriledi. Mańǵystaý oblysynda túnde jáne tańerteń keı jerlerde tuman túsedi. Kúndiz Almaty, Jambyl, Ońtústik Qazaqstan, Pavlodar, Shyǵys Qazaqstan oblystarynda, Qyzylorda, Qaraǵandy oblystarynyń keı jerlerinde aptap ystyq bolady Respýblıkanyń ońtústiginde, ońtústik-shyǵysynda batysynyń keı jerlerinde, soltústik-batysynda jáne ortalyǵynda óte joǵary órt qaýpi saqtalady.
Taıaýdaǵy táýlikterde respýblıkanyń ońtústigindegi, ońtústik-shyǵysyndaǵy jáne shyǵysyndaǵy taý ózenderinde sý betiniń qubylýy baıqalady. Іle ózeninde Qapshaǵaı sý qoımasyna keletin aǵyn birte-birte ulǵaıa túsedi.
