Respýblıkanyń keı jerlerinde kún kúrkirep, jaýyn jaýady, burshaq túsedi, jel kúsheıedi - 13 shildedegi aýa raıy boljamy
ASTANA. QazAqparat - Respýblıkanyń basym bóliginde atmosferalyq aǵyndardyń ótýimen aýa raıynyń turaqsyz sıpaty kútiledi, keı jerlerde jaýyn jaýady, soltústikte keı jerlerde nóser jaýyn bolady. Keı jerlerde kún kúrkirep, jel kúsheıedi, burshaq jaýýy múmkin.
Respýblıkanyń ońtústigi men batysynda kún ashyq bolady, keı jerlerde shańdy daýyl turady, dep habarlady QR TJM baspasóz qyzmeti «Qazgıdrometke» silteme jasap.
Aqmola oblysynda keı jerlerde jeldiń ekpini 15-20 m/s-qa, uıtqýy 25 m/s-qa jetedi, burshaq jaýyp, túnde jáne kúndiz tuman túsedi. Soltústik Qazaqstan, Pavlodar, Qaraǵandy oblystarynda keı jerlerde jel 15-20 m/s-qa deıin kúsheıip, kún kúrkireıdi, burshaq jaýýy yqtımal. Qostanaı oblysynda túnde keı jerlerde jel turyp, kúndiz uıtqýy 15-20 m/s-qa jetedi, kún kúrkireıdi, tuman túsedi. Almaty, Shyǵys Qazaqstan oblystarynda, kúndiz Jambyl oblysynda keı jerlerde jeldiń kúshi 15-20 m/s-qa deıin jetedi, kún kúrkireıdi. Qyzylorda, Ońtústik Qazaqstan, Mańǵystaý, Aqtóbe olystarynda, túnde Atyraý oblysynda, kúndiz Batys Qazaqstan oblysynda keı jerlerde jeldiń kúshi 15-20 m/s-qa jetedi, Qyzylorda oblysynda shańdy daýyl kóteriledi.
